နိုင်ငံတကာ အမျိုးသမီးများနေ့ကို ၁၉ ၀၀ ဝန်းကျင်လောက်ကတည်းက အမေရိကားနိုင်ငံမှာ စတင်ကျင်းပခဲ့ကြတာဖြစ်ပါတယ်။ ဒီနေ့ဆိုလျှင်တော့ ဆယ်စုနှစ်ပေါင်းများစွာရှိလာပါပြီ။ နှစ်စဉ်နှစ်တိုင်းဆောင်ပုဒ်တွေထုတ်၊ မတ်လ (၈) ရက်နေ့ ရောက်မှ သက်ဆိုင်ရာ လူ့အဖွဲ့အစည်းရဲ့အခန်းကဏ္ဍ တွေတိုင်းမှာ အမျိုးသမီးတွေပါဝင်ရေး၊ ခေါင်းဆောင်မှုမြင့်မားရေး၊ ဘယ်လောက်ရာခိုင်နှုန်းကတော့ လွှတ်တော်နိုင်ငံရေးထဲရောက်ရေးစတာတွေပြောလာခဲ့ကြတာပါ။ တကမ္ဘာလုံးအတိုင်းအတာနဲ့ ကျမတို့ခဏလေး မျက်စိတွေ မှိတ်ပြီး စဉ်းစားကြည့်ရအောင်။ ကျမတို့ ပြောနေတဲ့ အမျိုးသမီးတွေဆုိုတာ ဘယ်အမျိုးသမီးတွေကုိုပြောနေတာလဲ။ ထိပ်ပုိုင်းရေပေါ်ဆီအလွှာက အမျိုးသမီးတွေလား၊ ပေတရီအာခီစနစ်ထဲမှာပဲ ပါဝါအာဏာတွေနဲ့ ပျော်မွေ့ နေတဲ့ အမျိုးသမီးတွေလား၊ အဖွဲ့အစည်းကြီးတွေမှာ ရာထူးကြီးကြီးတွေယူထားကြတဲ့ အမျိုးသမီးတွေလား၊ ဘယ်အမျိုးသမီးတွေကုိုပြောနေတာပါလဲ။ စစ်ဘေးသင့်စခန်းတွေမှာ နေထုိုင်နေရတဲ့ တုိုင်းရင်းသားအမျိုးသမီးတွေရောပါသလား၊ စက်ရုံတွေမှာ အလုပ်လုပ်နေကြတဲ့ အမျိုးသမီးတွေလေား၊ လိင်လုပ်သား အမျိုးသမီးတွေရောပါတာလား၊ သွားလာရခက်ခဲတဲ့ တောင်တန်းဒေသတွေက တောင်ယာလုပ်ကြတဲ့ အမျိုးသမီးတွေရောပါသလား၊ အဖိနှိပ်ခံရဆုံး၊ ဖယ်ထုတ်ကျဉ်ထားခြင်းအခံရဆုံး အခြေခံလူတန်းစား အမျိုးသမီးထုကြီးပါရဲ့လား။
မြန်မာပြည်လို နှစ်ပေါင်းခြောက်ဆယ်ကျော် အစစအရာရာ ယိုယငွ်းပျက်စီးနေတဲ့ လူ့အဖွဲ့အစည်းမှာ နိုင်ငံတကာအဖွဲ့အစည်းတွေက မြန်မာပြည်မှာတော့ ၁၆ရက်တာလှုပ်ရှားမှုရှိတယ်၊ အမှန်ခြစ်ကလေးခြစ်လိုက်၊ ဖဲကြိုးဖြူကမ်ပိန်းရှိတယ်၊ အမှန်ခြစ်ကလေးခြစ်လုိုက်၊ Vagina Monologues ရှိတယ်၊ အမှန်ခြစ်ကလေးခြစ်လိုက်၊ နုိုင်ငံတကာအမျိုးသမီးများနေ့ကိုတော့ နေပြည်တော်မှာ ကျင်းပလုို့ရတယ်၊ အမှန်ခြစ်ကလေးခြစ်လုိုက် လုပ်ဖုို့ check list စစ်တဲ့ Agenda နဲ့ တပွဲတိုးတွေ၊ လူကြိုက်များကြတဲ့ ဖျော်ဖြေရေးဆန်တဲ့ လှုပ်ရှားမှုမျိုးတွေက နေရာယူထားပါပြီ။ အဓိကဖိနှိပ်ခံပြည်သူလူထုရဲ့ (အထူးသဖြင့်) အမျိုးသမီးတွေရဲ့ အကြမ်းဖက်ခံရမှုတွေ၊ လိင်ပုိုင်းဆုိုင်ရာနှောင့်ယှက်ခံရမှုတွေ၊ စက်ရုံမှာအခွင့်အရေးချိုးဖောက်ခံရတာတွေ၊ ပြည်တငွ်းစစ်အတငွ်း အကြမ်းဖက်ခံရတာတွေကို၊ အမျိုးသမီးတွေရဲ့ unpaid labor တွေကို ခေါင်းပုံဖြတ်ထုတ်ယူသုံးစွဲနေတာတွေကုို လက်ရှိလှုပ်ရှားနေကြတဲ့ Boss Feminism လှုပ်ရှားမှု (တနည်း လစ်ဘရယ် feminism) ကကိုယ်စားပြုရပ်တည်ပေးရဲ့လား၊ “နင်တို့မကြိုးစားလို့ လွှတ်တော်ထဲမှာ ဝန်ကြီးချုပ်မဖြစ်တာပေါ့လုို့” ခပ်တုံးတုံး မသိကျိုးကျွန်ပြုပြီးပြောလုို့မရသလုို၊ “ယာယီပြုလုပ်ပေးရမယ့် ၃၀ ရာခိုင်နှုန်းကတော့ အမျိုးသမီးတွေ နိုင်ငံရေးထဲပုိုပြီးပါဝင်လာစေဖုို့ အစဖြစ်တယ်” လို့လဲ အကျင့်ပျက်ခြစားနေတဲ့ ပေတရီအာခီနုိုင်ငံရေးစနစ်ထဲကို အမျိုးသမီးတွေကုိုအတင်းသတ်ွသငွ်းနေတာလဲ မဟုတ်သေးပါဘူး။
မြန်မာပြည်မှာ အခုနောက်ပုိုင်း ဖန်းမနစ်ဇင်ဆိုတာ လူတော်တော်များများက ပြောလာကြပြီဖြစ်ပါတယ်။ သို့သော် ကျမတို့ဟာ မြန်မာပြည်အတက်ွဖန်းမနစ်ဇင်ဆိုတာ ဘာလဲလို့ သေချာရေရေရာရာ မသိသေးသရွေ့ နုိုင်ငံတကာငွေကြေးထောက်ပံ့တဲ့အဖွဲ့အစည်းတွေရဲ့ Agenda အတိုင်းပဲဆက်ပြီး ချယ်လှယ်တာကိုခံနေရဦးမှာပါ။ ဘာသာစကားအနေနဲ့တောင် ဖန်းမနစ်ဇင်ကုို မြန်မာလိုဘာသာပြန်လုို့မရနေသေးတဲ့အခြေအနေမှာ၊ ဒါကို ဖန်းမနစ်လုို့ခံယူထားသူ မြန်မာပြည်ကအမျိုးသမီးတွေအနေနဲ့ ကုိုယ့်ဖာသာကုိုယ်ကြေလည်ဖုို့ အများကြီးလုပ်ရဦးမှာပါ။ လိင်ပိုင်းဆိုင်ရာအမြတ်ထုတ်မှုတွေ၊ ပါဝါအာဏာရာထူးကုိုအသုံးချပြီး လိင်အမြတ်ထုတ်မှုတွေ၊ လိင် အခြေပြုခွဲခြားဆက်ဆံတာတွေ၊ ဘာသာရေးအကြောင်းပြု ဖိနှိပ်ခွဲခြားတာတွေကို တပွဲတိုး ဖန်းမနစ်ဇင်လှုပ်ရှားမှုတွေနဲ့ မြန်မာပြည်မှာ လုပ်လို့မရပါဘူး။ ပြဿနာအရင်းအမြစ်ဖြစ်တဲ့ ပေတရီအာခီနဲ့ စစ်ဝါဒသတ်ွသငွ်းခြင်းကိုဆန့်ကျင်ပြီး အထက်အောက်ဖိနှိပ်ချင်တဲ့ အလေ့အထတွေ၊ သူတပါးကို ရာထူး၊ အာဏာ၊ ငွေကြေးနဲ့ကြီးစိုးချင်တဲ့အလေ့အထတွေကိုတုိုက်ဖျက်မှ တရားမျှတပြီး ငြိမ်းချမ်းတဲ့ လူ့အဖွဲ့အစည်းတရပ်ကိုထူထောင်နုိုင်မှာပါ။ လက်ရှိလည်ပတ်နေတဲ့ နုိုင်ငံရေးစနစ်ကုို legitimate လုပ်ပြီး အဲလုိုအစစအရာရာ ချွတ်ခြုံကျပျက်စီးယိုယငွ်းနေတဲ့ ပေတရီအာခီ စစ်ဝါဒ နိုင်ငံရေးစနစ်ထဲမှာ အမျိုးသမီးတွေကို တုိုကင်သဖယ်ွထည့်ပြီး check list တခုပြီးပြီလို့လုပ်လို့မရပါဘူး။ စနစ်ကိုတိုက်တယ်ဆိုတာဟာ မူဝါဒတွေလုပ်၊ adovcacy လုပ်၊ ဥပဒေတွေပြောင်းလဲရေးလုပ် စတာတွေမဟုတ်ပါဘူး။ လက်ရှိစနစ်ကြီးတခုလုံးကုို ဖြိုချပြီး မြန်မာပြည်က အဖိနှိပ်ခံလူတန်းစားအများစုကိုထည့်သငွ်းစဉ်းစားတဲ့၊ တရားမျှတမှုရှိတဲ့၊ အထက်အောက်ဖိနှိပ်ကြီးစိုးတဲ့ အလေ့အထတွေကင်းဝေးတဲ့ စနစ်တခုကုိုပြန်အသက်သငွ်းရမှာဖြစ်ပါတယ်။ အမျိုးသမီးလှုပ်ရှားမှုနဲ့ နိုင်ငံရေးနဲ့ကင်းကွာလို့မရသလုို လက်ရှိအခင်းအကျင်းထဲက ကော်မာရှယ် (စီးပွားဖြစ်) ငြိမ်းချမ်းရေးလုပ်ငန်း၊ ပေတရီအာခီနုိုင်ငံရေးစနစ်တွေထဲမှာတော့ အသုံးတော်ခံအနေနဲ့မပါဝင်ရအောင် မြန်မာနိုင်ငံက ဖန်းမနစ်တွေ ကုိုယ့်ဖာသာကုိုယ် မရှက်မရွံ့မေးခနွ်းတွေမေးသင့်ပါပြီ။ ဘယ်လိုနုိုင်ငံရေးရပ်တည်ချက်နဲ့ ပြုပြင်ပြောင်းလဲရေးတွေလုပ်မှာလဲ၊ တော်လှန်ရေးတွေလုပ်မှာလဲဆုိုတာကုို ကုိုယ်ကုိုတုိုင်မေးခွန်းထုတ်ပြီးမှသာ မြန်မာပြည်ရဲ့ ဖန်းမနစ်ဇင်လှုပ်ရှားမှုကုိုရှေ့ဆက်နုိုင်မှာဖြစ်ပါတယ်။ ကျမတုို့ပြောပြောနေတဲ့ တရားမျှတမှုဆိုတာကရော ဘယ်သူ့တရားမျှတမှုကုိုပြောနေတာလဲ ကုိုယ့်ဖာသာကုိုယ်ဝေဖန်ဆန်းစစ်ဖုို့လုိုပါတယ်။
ကျမတို့တွေလုပ်နေတဲ့အလုပ်တွေမှာ စက်ရုံ (၄၀၀) ကျော်လောက်မှာရှိတဲ့ ၉ ၀ ရာခုိုင်နှုန်းသော အမျိုးသမီးတွေမပါဘူးဆုိုလျှင်၊ လယ်ယာမြေတွေအသိမ်းခံရတဲ့၊ ဘာသာရေးဖိနှိပ်ခံရတဲ့ တုိုင်းရင်းသားအမျိုးသမီးတွေမပါဘူးဆိုလျှင်၊ လိင်လုပ်သား အမျိုးသမီးတွေမပါဘူးဆုိုလျှင်၊ စစ်ဝါဒဂယက်ကိုတုိုက်ရုိုက်ခံစားရတဲ့ အမျိုးသမီးတွေမပါဘူးဆုိုလျှင်၊ မသန်စမွ်းအမျိုးသမီးတွေမပါဘူးဆုိုလျှင်၊ လယ်သမားအမျိုးသမီးတွေမပါဘူးဆုိုလျှင် ကျမတုို့တွေကုိုယ်တုိုင်ဟာလဲ ပေတရီအာခီစနစ်နဲ့အတူ စစ်ဝါဒအားပေးသူများပဲဖြစ်နေမှာ မလွဲမသေပါ။
သက်ဝေ
